'कथेसर' न्यूयॉर्क में लोकार्पित / कथेसर

मुखपृष्ठ  »

पत्रिकाओं की सूची  »

पत्रिका: कथेसर  »

अंक: अप्रैल-जून 2012

'कथेसर' रै इंटरनेट संस्करण रो लोकार्पण 21 फरवरी नै विश्व मातृभाषा दिवस रै मौकै न्यूयॉर्क में हुयो। अखिल भारतीय राजस्थानी भाषा मान्यता संघर्ष समिति रा अंतरराष्ट्रीय संयोजक अर राजस्थान एसोसिएशन ऑफ नॉर्थ अमेरिका (राना) रा मीडिया चेयरमैन प्रेम भंडारी रै रैवास माथै आयोजित इण कार्यक्रम रो बडेरचारो राजस्थान फाउंडेशन राअमेरिका चैप्टर अध्यक्ष के.के. मेहता कर्यो। लोकार्पण करता थकां प्रेम भंडारी कैयो कै भाषा अर साहित्य रै विकास में पत्र-पत्रिकावां रो योगदान घणो महताऊ हुवै। वां रोष जतायो कै दुनिया री घणी समृद्ध भाषा होवता थकां भी आज राजस्थानी राजनीतिक उपेक्षा री शिकार है। इससूं पैलां चंद्रा मेहता 'कथेसरÓ पत्रिका रो परिचै दियो। कार्यक्रम में राना कोषाध्यक्ष दशरथ दुग्गड़, राना राचेयरमैन डॉ. अजय लोढ़ा, समिति रा न्यूयॉर्क अध्यक्ष अर इंडियन डायमंड कलर एसोसिएशन न्यूयार्क रा अध्यक्ष सुशील गोयल, संस्थापक सदस्य अरविंद भंडारी, सुशील शाह, कनक गोलिया, डॉ. रेखा भंडारी, चंद्रा मेहता, प्रभा गोलिया, चित्रा दुग्गड़, सुनील गोलिया अर दीप चौपड़ा समेत कई प्रवासी राजस्थानी भी मौजूद हा।