'कथेसर' रै तीजै अंक रो ई-संस्करण सिंगापुर में लोकार्पित / कथेसर
Gadya Kosh से
| मुखपृष्ठ » | पत्रिकाओं की सूची » | पत्रिका: कथेसर » | अंक: अक्टूबर-दिसम्बर 2012 |
'कथेसर’ रै तीजै अंक रै ऑनलाइन संस्करण रो लोकार्पण 1 अगस्त नै सिंगापुर स्थित सिविल स्टाफ कॉलेज में हुयो। भारतीय प्रशासनिक सेवा रा कई अधिकारियां अनै कॉलेज स्टाफ री मौजूदगी मांय सिविल स्टाफ कॉलेज रा दक्षिणी एशिया सहायक प्रबंधक टेंग किन हो अर आईएएस जितेन्द्र कुमार सोनी आई-पेड माथै पत्रिका रो ऑनलाइन संस्करण लोकार्पित कर्यो। इस वेळा सोनी राजस्थानी भाषा-साहित्य री महता बखाणतां थकां 'कथेसर’ रै ऑनलाइन संस्करण नै विदेस मांय बस्या राजस्थानियां सारू सांतरो निजराणो बतायो। टेंग किन हो पत्र-पत्रिकावां नै मातृभाषावां रै संरक्षण में सहायक बताई। इण मौकै भारतीय प्रशासनिक सेवा रा अधिकारी श्यामलाल, अखंड प्रताप सिंह, शंकर लाल, डॉ. अहमद इकबाल अर अरविंद आपरा उद्बोधन मांय राजस्थानी भाषा नै संवैधानिक मान्यता री दरकार बताई।
