'बै अबै कठै लाधै' रो लोकार्पण / कथेसर
Gadya Kosh से
| मुखपृष्ठ » | पत्रिकाओं की सूची » | पत्रिका: कथेसर » | अंक: जुलाई-सितम्बर 2012 |
बीकानेर. 19 जून नै नागरी भंडारी में रामनरेश सोनी रै कहाणी संग्रै 'बै अबै कठै लाधै' रो लोकार्पण हुयो। समारोह री अध्यक्षता करता थकां कथाकार अन्नाराम सुदामा कैयो कै आजकाळै ईं तरै री इंसानियत री जैजैकार करबाळी कहाण्यां कम लिखीजै। रचनावां रो जद कोई मकसद हुवै जणां ई तो बांचणो सारथक लागै। सिरै पावणा अर राजस्थानी भाषा, साहित्य एवं संस्कृति अकादमी-बीकानेर रा अध्यक्ष श्याम महर्षि सोनी री कहाणियां नै महानगरीय सच्चाई री कहाणियां बताई। खास पावणा शिवराज छंगाणी, युवा समीक्षक संजय पुरोहित, मोनिका गौड़, डॉ. मनमोहन सिंह यादव, ठाकुर सोहनसिंह भदौरिया कहाणियां माथै विचार प्रगट कर्या। हिन्दी विश्वभारती कानी सूं प्रो. घनश्याम आत्रेय आभार जतायो। -मोहम्मद फारूक
