कती माधुरी की तरिया गात की पोरी-पोरी मटकै तेरी / नवीन रमण

• हिन्दी
• अंगिका
• राजस्थानी

नवीन रमण »

माधुरी और जोगिन्दर

ओये होये मेरी माधुरी

सही मैं तू ना कती (बिल्कुल) माधुरी जीसी लाग्गै मन्नै। ओर तै सारी छोरी ब्याह होंदेए. काकड़ी तै घीया हो ज्या सै। पर तू तै जमा काकड़ी-सी पड़ी इब भी। तू तै मेरे तै इब भी उतना ए प्यार करै जितना ब्याह तै पहल्या करै थी। स्कूल मैं कितनी कसुत्ती नाचया करदी तू उस गाणे पै 12345678910111213. जबे तो तेरा नाम माधुरी धरया था। कती गात (शरीर) की पोरी-पोरी मटका दे थी। जमा बिजली बरगा होया करै था तेरा गात। बता तेरै बालक नहीं होये तै इसमैं तेरी के गलती थी। उस कमीण नै जब तू छोड़ी। उसनै सरम नहीं आई. म्हारी तै मजबूरी सै हाम ब्याह कोनी कर सकते।

इसे मारे तू सारी हाण बुझी-बुझी रहण लाग गी। मैं तो तेरा ए सूं। होणी नै कुण टाल सकै सै। तेरे भाग मैं या ए लिख री होगी। लिखे होड़ नै कुण बदल सकै सै।

म्हारा मिलणा न्यू वै बणा रै।

तेरा जोगिन्दर